http://asyiivanii.blogspot.com/2014/12/hadih-maja-aceh-part-iii.html
Mangat-mangat gulee labu
Na seigeutu lupah sira
Mangat-mangat ureung meumadu
Na seigeutu leupah haba
Menyoe mantong tapajoh
Mantong tatoh
Meunyoe mantong reudok di gle
Mantong sabe ie raya teuka
Meunyo bu bu bit
Meunyo ie ie bit
Meunyo inong
Inong aceh bak keubit-keubit
 |
| ilustrasi |
Ngui ban laku tuboh
Pajoh ban laku atra
Jak ban laku pinggang
Pinggang ban laku ija
Nibak puteh mata
Get puteh tuleung
Meubantai ateung
Meukaleung tanoh
On balek baloe
On panjoe ngon sumpai plok
Tameukawen sabe keudroe droe
Geunap uroe ta meuantok
On balek baloe
On panjoe ngon sumpai plok
Geutanyoe sabe keudroe droe
Peu pasai tameuantok
Pantang ureung aceh
Ta carok ta teunak ta trom ta sipak
Ta peh ulee ta cukeh keueng
Sinan ureung le binasa
Pantang keu candu yoh golom banggi
Pantang keu judi yoh golom papa
Pantang keu juring yoh golom ta tamong
Pantang keu inong yoh golom tarasa
0 comments: